Ýeňillikler we arzanladyşlar: Türkmenbaşy Halkara deňiz portunyň üsti bilen demirýol ugurlarynyň ösüşi

Türkmenbaşy Halkara deňiz portunyň üsti bilen demirýol pudagynda tranzit,

import hem-de eksport ýük daşamalaryny ösdürmek, şeýle hem gelýän gämilerden

demirýol wagonlaryny ýüklemek we düşürmek boýunça giň mümkinçilikleriň

hödürlenýändigi «Türkmenbaşy Halkara deňiz porty Merkezi Aziýanyň

eksportynyň üstaşyr merkezi hökmünde» diýen tema boýunça guralan onlaýn

tertibindäki Tegelek stol duşuşygynyň barşynda «Demirýollary» açyk görnüşli

paýdarlar jemgyýetiniň wekili tarapyndan habar berildi.

Tanyşdyryş dabarasynda «Türkmendemirýollary» agentligi tarapyndan 2024-

nji ýylda Türkmenbaşy Halkara deňiz portunyň üsti bilen uzaýan ugurlar boýunça

aşakdaky ýeňillikler yglan edildi:

– Türkmenbaşy Halkara deňiz portundan türkmen-özbek serhedinden

Farap/Takhiataş serhet nokadyna geçýän şeker çig malyna we künjara 40%

arzanladyş.

– Türkmenbaşy Halkara deňiz portunyň üsti bilen Farap/Takhiataş

serhedinden daşalýan hususy we kärendesine wagonlara 30%, şeýle hem tükelleýiş

parklarynyň wagonlaryna we önümçiligiň beýleki görnüşlerine (çeleklerde

daşalýan alýumin we nebit önümlerinden başga) 20% arzanladyş.

– Tranzit ugurlarynda Türkmenbaşy Halkara deňiz porty 1 – Ymamnazar,

Türkmenbaşy Halkara deňiz porty 1 – Geçelge 161 ugurlaryndan iki tarapa hem

40% arzanladyş.

– Türkmenbaşy portundan (wagonlaryň eýeçiliginiň görnüşine garamazdan)

ähli ugurlarda (Türkmenbaşy Halkara deňiz porty 1 – Ymamnazar, Türkmenbaşy

Halkara deňiz porty 1 – Geçelge 161 ugurlaryndan iki tarapa) ýüklemek we

düşürmek amallary ýerine ýetirilende 50% arzanladyş.

Türkmenistanyň çäginde eksport, import we ýük daşamak üçin demirýol

nyrhlarynyň doly sanawy, hödürlenýän arzanladyşlar hem-de ýörite nyrhlar bilen

«Demirýollary» açyk görnüşli paýdarlar

jemgyýetiniň https://railway.gov.tm/ru/logistics resmi web saýty arkaly tanşyp

bilersiňiz.