Demirýol ulaglary boýunça hyzmatdaşlyga gyzyklanma artýar: Ispaniýa Patyşalygynyň wekiliýeti Türkmenistanda bolar

Ispaniýa Patyşalygynyň Türkmenistandaky Adatdan daşary we Doly

ygtyýarly Ilçisi Markos Gomez Martinez 2023-nji ýylyň sentýabr aýynda

Watanymyzda işe başlapdy.

Ol 2023-nji ýylyň 29-njy sentýabrynda Türkmenistanyň Ulag we

kommunikasiýalar agentliginiň ýanyndaky «Türkmendemirýollary» agentliginiň

binasynda türkmen demirýolçulary bilen duşuşdy.

Türkmen demirýolçulary Ispaniýanyň Ilçisi Markos Gomez Martineze

Türkmenistanyň infrastruktura taslamalary we demirýol ulaglary pudagynyň

geljegi bilen tanyş etdiler.

Ispaniýaly diplomat Ispaniýa Patyşalygynyň Türkmenistanyň demirýol

ulaglary pudagynda hyzmatdaşlyk etmäge gyzyklanma bildirýändigini nygtady we

2024-nji ýylyň mart aýynyň ortalarynda Ispaniýanyň öňdebaryjy kompaniýalaryny

we maýa goýujylaryny zerur işleri geçirmek, täze tehnologiýalary ornaşdyrmak

boýunça we beýleki ýokary derejeli hünärmenleri Aşgabat şäherine alyp gelmek

isleýändigini aýtdy. Taraplar iki ýurduň arasynda degişli ugurlarda özara peýdaly

hyzmatdaşlygyň ösüşini ara alyp maslahatlaşmagy meýilleşdirýärler.

 Türkmen demirýolçulary hem öz gezeginde demirýol pudagynda ispan

öndürijileri bilen hyzmatdaşlyk etmek isleýändiklerini, hususan-da «S.A.E.

Ibertest», «Talgo», «TELTRONIK», «TYPSA GROUP» we «FIEM» ýaly

kompaniýalarynyň bu hem düzüme goşulmagyny teklip berdiler.

«S.A.E. Ibertest» kompaniýasy bilen bilelikde «Türkmendemirýollary»

agentligi 2019-njy ýylyň 11-nji awgustynda Awazada geçirilen Merkezi Aziýa

ýurtlarynyň Ykdysady Forumynyň çäginde tejribe alyşmak, synag ulgamlaryny,

enjamlaryny we bilimlerini üpjün etmek meýilli Ähtnama gol çekildi.

Türkmenistanda demirýol enjamlaryny barlamak, synagdan geçirmek we

taýýarlamak boýunça milli maglumat merkezi (NRCTRE) bu taslama üçin zerur

bolan serişdeleri Ispaniýanyň Senagat, söwda we syýahatçylyk ministrliginiň

"Ispan kompaniýalaryny halkaralaşdyrmak gaznasyndan" (FIEM) maliýeleşdirmek

göz öňünde tutulan.

Bu duşuşygyň esasy maksady maýa goýum ýagdaýyny gowulandyrmak we

ýurdumyzyň infrastruktura taslamalaryna maýa goýumlaryny çekmek, demirýol

ulaglary pudagynyň geljegi uly ugurlary, ýurtlarymyzyň arasyndaky özara

gatnaşyk, şeýle hem innowasiýa, ulag we aragatnaşyk pudaklarynda gepleşikler

arkaly ara alyp maslahatlaşmak bolup durýar.

Ispaniýa Patyşalygynyň Türkmenistandaky Adatdan daşary we Doly

ygtyýarly Ilçisi Markos Gomez Martinez 6-njy fewralda Moskwada

Türkmenistanyň Russiýa Federasiýasyndaky Adatdan daşary we Doly ygtyýarly

ilçisi Esen Aýdogdiýew bilen geçiren duşuşygynda hem bu hakykaty tassyklady.