Demir ýollaryň hyzmatdaşlygy guramasynyň agza döwletleriniň wekilleriniň mejlisiniň ikinji güni jemlendi

Aşgabat şäherinde geçýän Demir ýollaryň hyzmatdaşlygy guramasynyň agza döwletleriniň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisiniň ikinji güni öz işini tamamlady.

Forumyň maksady demir ýol ulagynyň işini döwletara derejede utgaşdyrmakdan, halkara demir ýollary torunyň tehnologik bitewüligini üpjün etmekden, bu düzümleri ösdürmekden ybaratdyr. Bu ýerde şu maksatlardan gelip çykýan möhüm meseleler ara alnyp maslahatlaşyldy.

Maslahatyň nobatdaky günlerinde sebitde demir ýol ulaglaryny ösdürmekdäki möhüm meseleler boýunça goşmaça ara alyp maslahatlaşmalar guralyp, çözgütler kabul ediler. Munuň Demir ýollaryň hyzmatdaşlygy guramasynyň agza döwletleriniň arasyndaky hyzmatdaşlygy pugtalandyrmagyna garaşylýar.

DÝHG agza döwletleriň demir ýol ulaglary edaralarynyň ýolbaşçylarynyň we jogapkär wekilleriniň maslahatynyň XXXVIII mejlisi 19-njy aprele çenli dowam eder.