Gazagystan Hazar deňzindäki iki portyny Ýewropa Bileleşiginiň kompaniýalaryna dolandyrmak üçin bermäge taýýar

Habarda dolandyrmak üçin bermegiň «ship-or-pay» şerti esasynda amala aşyryljakdygyny aýdylýar. Mundan başga-da, Gazagystanyň hökümeti Hazar deňzinde konteýner merkezini döretmegi meýilleşdirýärler. Ozal Gazagystanyň ýurduň ähli howa menzillerini dolandyryş üçin ýewropaly maýadarlara geçirmäge taýýardygy habar berlipdi.

«Gazagystanyň galan 22 howa menzilini hem ýewropaly maýadarlaryň ýolbaşçylygyndaky hususy pudaga geçirmäge taýýardyrys. Bu ýerde Aziýa bilen Ýewropanyň arasynda tranzit merkezine öwrülmek üçin uly mümkinçilikler bar» — diýip, Gazagystan Respublikasynyň ulag ministri Marat Karabaýew belleýär.

Onuň sözlerine görä, bu teklibiň baş maksady howa menzillerini tranzit merkezi hökmünde ösdürmek üçin hususy maýa goýumlary çekmekden ybaratdyr. Häzirki wagtda Gazagystanda Astana hem-de Almaty halkara howa menzilleri daşary ýurt kompaniýalaryna degişlidir.