Apple Iphone-a emeli intellekti ornaşdyrmak isleýär

Şu maksat bilen, kompaniýa emeli intellektiň ýokary tizlikli tehnologiýalaryny işläp taýýarlamakda ýörüteleşen DarwinAI startapyny satyn aldy.

Geleşigiň çäklerinde DarwinAI-nyň hünärmenleri Apple-yň emeli intellekt tehnologiýalary bilen iş alyp barýan bölümine geçdiler. Bölüme Waterloo uniwersitetinden Aleksandr Wong ýolbaşçy bellenildi.

Häzirki wagtda Apple IOS 18 operasion ulgamy işläp taýýarlaýar we oňa emeli intellekti ornaşdyrýar. Emeli intellekt macOS 15-iň düzüminde hem peýda bolar.

Ozal Apple-iň ýolbaşçysy Tim Kuk 2024-nji ýylda Apple-iň emeli intellekt tehnologiýalary ulgamynda geljegi nazarlaýan taslamalary amala aşyrjakdygyny söz berdi.

https://orient.tm/tm/post/69835/apple-iphone-emeli-intellekti-ornasdyrmak-isleyar