Hytaý intermodal ýük gatnawlaryny ösdürmek üçin maýa goýýar

Hytaýda port infrastrukturasyny ösdürmek we birnäçe täze demir ýol köprülerini gurmak ýaly 187 taslama üçin serişdeler bölünip berildi. HHR-iň Ulag ministrliginiň bellemegine görä, bu Dalýanyň konteýner dolanyşygyny 12% ýokarlandyrar. 

“Dalýan, Amerikanyň, Ýakyn Gündogaryň, Hindistanyň we Päkistana umman ugurlaryny işjeň ýagdaýda açar, bir ýylyň içinde bäş sany täze konteýner ýoluny goşar, şeýle hem deňiz we gury ýollary ulanyp, Hytaýyň-Ýewropanyň täze ugurlaryny döreder. Bu bolsa deňiz we demir ýol intermodal ýük daşamagy 3 göterim ýokarlandyrar, şeýle hem port ýygymlaryny gowulandyrar” – diýlip, Hytaýyň ulag ministrliginde bellenilip geçildi.

Şanhaý 7,3 milliard dollarlyk täze “Sýaoýanşan” konteýner terminalynyň gurluşygy üsti bilen konteýner ýükleri dolandyrmakda öňdebaryjylygyny güýçlendirmek isleýär. “Loadstar”-yň habaryna görä, Hytaý 2024-nji ýylda ulag taslamalary üçin 173 milliard dollar maýa goýdy.