Zaripbaý Durdybaýew öm­rü­niň ­­34­ ýy­ly­ny «Türkmenabat ýük wagon abatlaýyş depo» hojalyk jemgyýetinde ­abatlaýjy, sazlaýjy ­we­zi­pe­ler­ine ­ba­gyş­ eden­ ha­ly­pa ussadyr. Ol ­dur­ky­ bi­len­ öz­ işi­ne­ ber­len­le­riň­ bi­ridir.

­         1992-­nji ýy­lyň­ gyz­gyn ­tom­sun­da ­il­kin­ji ­ge­zek eg­ni­ne­ abatlaýjynyň­ ýörite ly­ba­sy­ny­ geýen do­gum­ly ­ýaş hünärmen «Türkmenabat ýük wagon abatlaýyş depo» hojalyk jemgyýetinde işe ­gi­riş­ýär.­ Gerek ­ýe­rin­de­ abatlaýyş sehindäki kärdeşleri ­bi­len ­deň­ du­rup­ ýa­da­ma­ny-­ýal­tan­ma­ny­ bil­män, ­kärine­ yh­las­ bi­len­ ýa­py­şan­ abatlaýjy ussanyň edilýän işleriň ­kyn­ly­gy­ny ­däl-­de­ ähli­si­ni ­ýerine ýetirip ­bol­jak­dy­gy­na ­bo­lan­ ynamy­ üs­tün­lik­le­re ­ýe­tir­ýär.

   «Türkmenabat ýük wagon abatlaýyş depo» hojalyk jemgyýetinde işleýänleriň aglabasy abatlaýjy ussalar. Olaryň yhlasly zähmeti bilen ýük wagonlarynda ýeňil we düýpli abatlaýyş işleri geçirilýär. Onuň düzüminde wagonlary ýygnaýjy, arabalary abatlaýan, mehaniki, tigir jübütleri abatlaýan, reňkleýji, awtoduruzyjylary abatlaýan we beýleki kömekçi sehleri bolup, bu sehlerde işleýän işgärler özleriniň irginsiz zähmeti bilen hojalyk jemgyýetiniň ösüşine mynasyp goşantlaryny goşýarlar.