Arkadag şäheriniň demir ýol we awtomobil menzillerinde Gün panelleri oturdylar

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow şu gün Arkadag şäherine iş saparynyň barşynda şäheriň Aragatnaşyk müdirligine hem bardy. Bu barada «Watan» habarlar gepleşiginde habar berildi.

Bellenilişi ýaly, bu ýerde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew müdirligiň işine häzirki zamanyň sanly tehnologiýalaryny ornaşdyrmak boýunça ýerine ýetirilen işler barada hasabat berdi. Ilki bilen, bu ýerde Arkadag şäheriniň demir ýol we awtomobil menzilleriniň şekil taslamalary görkezildi.

Hasabatyň çäklerinde Arkadag şäheriniň demir ýol we awtomobil menzillerinde oturdyljak Gün panelleri barada hem aýdyldy. Bellenilişi ýaly, bu Gün panelleri Aziýanyň ösüş bankynyň serişdeleriniň hasabyna gurlar. Täze tehnologiýalary ornaşdyrmak işleri «Türkmenaragatnaşyk» agentliginiň hünärmenleri bilen bilelikde alnyp barlar.

Gün panelleri menzilleriň dolandyryş düzümlerini we yşyklandyryş ulgamyny zerur bolan elektrik energiýasy bilen bökdençsiz üpjün eder.

Gahryman Arkadag binalarda oturdyljak Gün panelleriniň derejesine, olaryň döwrüň talaplaryna laýyk gelmegine we ýokary kuwwatlylyga eýe bolmagyna möhüm ähmiýet berilmelidigini belledi we bu babatda ylmyň gazananlarynyň, dünýäniň ösen tejribesiniň esasy ugur edinilmelidigine ünsi çekdi.