Tatarystanyň Baştutany Türkmenistanyň Prezidentini täze ýyl bilen gutlady

Russiýa Federasiýasynyň Tatarystan Respublikasynyň Baştutany Rustam Minnihanowdan Türkmenistanyň Prezidenti Serdar Berdimuhamedowyň adyna täze ýyl mynasybetli gutlag haty gelip gowuşdy. Bu barada TDH habar berýär.

Gutlag hatynda Russiýa Federasiýasynyň Tatarystan Respublikasynyň Baştutany Rustam Minnihanow Türkmenistanyň Prezidentini we ähli türkmen halkyny täze, 2025-nji ýyl mynasybetli tüýs ýürekden gutlaýar.

"Biz halklarymyzyň arasynda taryhy taýdan emele gelen dost-doganlyk ýörelgelerine we iň asylly maksatlara ygrarly bolmak bilen, ählumumy ösüşiň, durnuklylygyň, adamzadyň röwşen geljeginiň bähbidine işjeň hyzmatdaşlyk edýäris. Mundan beýläk-de özara düşünişmegiň berkidiljekdigine ynam bildirmek bilen, Size, ýakynlaryňyza we halkyňyza täze ýylda berk jan saglyk, rowaçlyk, bagtyýarlyk arzuw edýärin" diýip, Russiýa Federasiýasynyň Tatarystan Respublikasynyň Baştutany Rustam Minnihanow Türkmenistanyň Prezidenti Serdar Berdimuhamedowa ýollan gutlag hatynda ýazýar.