Türkmenistan astrahanlylaryň Täze ýyl saçagy üçin 18 tonna pomidor iberdi

Astrahanyň deňiz portuna Türkmenistandan 18 tonna pomidor baryp gowuşdy. «Rosselhoznadzoryň» hünärmenleri Türkmenistandan baran bu oba hojalyk önüminiň iki tapgyryny barlagdan geçirdiler hem-de laboratoriýa synaglarynyň esasynda fitosanitar şahadatnamalaryny berdiler.

Täze ýyl baýramçylygynyň öňüsyrasynda bu meşhur gök önüme bolan isleg ep-esli ýokarlanýar diýip, «Moskowskiý komsomoles» neşiriniň Astrahan bölümi habar berýär.

Şu ýyl 90 tapgyrda umumy agramy 835 tonnadan gowrak bolan pomidor Astrahan sebitine import edildi. Bu bolsa geçen ýyl bilen deňeşdirilende bäş esse köpdür diýlip, çeşmede bellenilýär.