Türkmenistan Kazanyň global ýaşlar sammitine gatnaşar

21 — 24-nji awgust aralygynda geçiriljek III Kazan global ýaşlar sammitine gatnaşmak üçin 123 ýurtdan 7 müňe golaý arza tabşyryldy. Bu barada «TASS» habar berýär.

Gatnaşygy ministrler we ýaşlaryň işleri boýunça bölümleriň ýolbaşçylary, şeýle hem Russiýa, Azerbaýjan, Belarus, Gwineýa-Bissau, Müsür, Gazagystan, Kamerun, Gyrgyzystan, Liwan, Liwiýa, Malaýziýa, Mozambik, Pakistan, Palestina, Senegal, Sierra Leone, Täjigistan, Türkiýe, Türkmenistan, Özbegistan we Günorta Afrika Respublikasy ýaly 21 ýurtdan halkara guramalaryň ýolbaşçylary tassyklady.

Şeýle hem çärä Yslam Hyzmatdaşlyk Guramasynyň Ynsanperwerlik, medeni we jemgyýetçilik meseleleri boýunça baş sekretarynyň kömekçisi Tarig Ali Baghidiň ýolbaşçylygyndaky resmi wekiliýetiň hem-de Ýaşlar we sport bölüminiň başlygy, doktor Maiga Buabakariniň hem gatnaşjakdygy tassyklandy.

Bu ýylky sammitiň esasy mowzugy — sanlaşdyrmak we ýaşlar syýasatynyň häzirki zaman gurallary. Maksatnama umumy mejlisi, tegelek stollary we sammitiň temalarynda ara alyp maslahatlaşma platformalaryny, hyzmatdaşlyk şertnamalaryna gol çekmegi, ýaşlar we sport desgalaryna baryp görmegi we jemgyýetçilik çärelerini öz içine alýar.

Gatnaşanlar ýaşlaryň arasynda sanly tendensiýalary we sanly çözgütleri, häzirki zaman tehnologiýalarynyň çagalary we ýaşlary terbiýelemekdäki ornuny we geljekki nesli kemala getirmekde däp bolan gymmatlyklaryň ähmiýetini ara alyp maslahatlaşarlar.