«Türkmenistanyň Ulag-logistika merkezi» AGPJ-niň wekilleri Hytaý Halk Respublikasynda iş saparynda boldular

2024-nji ýylyň 26-njy iýunynda «Türkmenistanyň Ulag-logistika merkezi» AGPJ-niň wekilleri Hytaý Halk Respublikasynda iş saparynyň dowamynda Şanhaý şäherinde «COSCO SHIPPING GROUP» hytaý kompaniýasy bilen duşuşyk gurnaldy.

Duşuşygyň dowamynda «COSCO SHIPPING GROUP» kompaniýasynyň konteýner liniýa gatnawyny Türkmenistana getirmek boýunça gepleşikler geçirildi. «COSCO SHIPPING GROUP» konteýnerlerini Türkmenbaşy Halkara portuna getirip, Merkezi Aziýada täze merkezini döretmek bilen, konteýnerleri Gündogar-Günbatar ugurlaryna daşamak boýunça ikitaraplaýyn gepleşikler alnyp baryldy.

Mundan başga-da, gepleşikleriň dowamynda göz öňünde tutulýan esasy ikitaraplaýyn ugurlary, ýagny Hytaý Halk Respublikasyndan Gazagystan Respublikasynyň üsti bilen Türkmenistana we soňra Türkmenbaşy Halkara portunyň üsti bilen dürli ugurlara, esasanda, Ýewropa ýurtlaryna we Ýakyn Günbatara aýry-aýry konteýnerleri daşamak boýunça ylalaşyk gazanyldy.

«COSCO SHIPPING GROUP» Hytaýyň döwlet eýeçiligindäki halkara ulag we logistika kompaniýasydyr we ol dünýäde umumy ýükleri daşamak boýunça 1-nji ýerde we konteýner daşamak boýunça 3-nji ýerde durýar. Kompaniýa 105 ýurtdaky 356 portlarynda öz işini alyp barýar, şeýle-hem 255 halkara ugurlarynda işleýär. «COSCO SHIPPING GROUP» kompaniýasynyň 20,000 TEU kuwwatly daşaýan Toros we 21,000 TEU kuwwatly Verselem konteýner gämileri ýaly birnäçe mega gämisi bar.

ORIENT news

Foto: TULM

Orient Link: https://orient.tm/tm/post/73403/turkmenistanyn-ulag-logistika-merkezi-agpj-nin-wekilleri-hytay-halk-respublikasynda-saparynda-boldular