«Toyota» kompaniýasynyň iň gowy awtoulaglarynyň onlugy yglan edildi

«Toyota» kompaniýasynyň soňky on ýylyň dowamyndaky iň ygtybarly awtoulaglarynyň reýtingi aýan edildi. Sanaw «HotCars» žurnaly tarapyndan düzüldi.

Reýtingde 2014-nji ýylyň «Toyota Camry» ulagy birinji ýeri eýeledi. Hünärmenler bu modelde kampaniýanyň yzyna ýygnamak ýa-da ulag eýeleriniň köpçülikleýin arzalarynyň bellige alynmandygyny düşündirdiler.

Ikinji orunda şol ýylyň Russiýa Federasiýasynda birnäçe wagtlap resmi taýdan satylan nusgasy — «Toyota Venza» krossoweri ýerleşdi.

Öňdäki üçlügi 2020-nji ýylyň «C-HR» subkompakt krossoweri jemleýär.

Mundan başga-da, «Toyota Corolla» (2016), «Toyota RAV4» (2018), «Toyota Avalon» (2018), «Toyota Prius» (2017), «Toyota Tacoma» (2022), «Toyota Tundra» (2021) hem-de «Toyota Sienna» (2016) ulaglary öňdäki onlugy düzdi.