Türkmenistanyň adaty karate boýunça milli ýygyndy topary Merkezi Aziýanyň çempionatynyň 9 medalyny eýeledi

Türkmenistanyň adaty karate boýunça boýunça milli ýygyndy toparynyň agzalary Merkezi Aziýanyň çempionatynyň 4 altyn, 3 kümüş hem-de 2 bürünç medallaryna eýe çykdylar.

Ýaryş 8 — 16-njy iýun aralygynda Gazagystanyň Almaty şäherinde geçdi. Oňa bäş ýurtdan bolan türgenleriň 300-den gowragy gatnaşdy.

Türkmen ýygyndysyndan altyn medallara eýe bolan türgenler:

• Yhlas Annagurbanow (14-15 ýaş derejesindäki türgenleriň arasynda, kata).
• Ibragim Şagulyýew (14-15 ýaş derejesindäki türgenleriň arasynda, kumite).
• Nurgeldi Annagurbanow (18 — 21 ýaş derejesindäki türgenleriň arasynda, kata).
• Selim Myratdurdyýew (22 — 25 ýaş derejesindäki türgenleriň arasynda, kumite).

Kümüş medallar:

• Serdar Baýryýew (16-17 ýaş derejesindäki türgenleriň arasynda, kumite).
• Ýagmyrmyrat Sähetmyradow (18 — 21 ýaş derejesindäki türgenleriň arasynda, kumite).
• Gurbannazar Hümmedow (22 — 25 ýaş derejesindäki türgenleriň arasynda, kumite).

Bürünç medallar:

• Ýunus Muhammetgulyýew (14-15 ýaş derejesindäki türgenleriň arasynda, kumite).
• Myratbek Baltaýew (22 — 25 ýaş derejesindäki türgenleriň arasynda, kumite).

Türkmenistanyň ýygyndy toparynyň çempionatyň netijesi boýunça medal sanawynda üçünji orny eýeländigini hem bellemek gerek.