Türkmenistanyň Prezidenti Eýran Yslam Respublikasynyň birinji wise-prezidentine gynanç bildirdi

Hormatly Prezidentimiz Serdar Berdimuhamedow Eýran Yslam Respublikasynyň birinji wise-prezidenti Mohammad Mohbere Eýran Yslam Respublikasynyň Prezidenti Seýed Ebrahim Raisiniň pajygaly ýagdaýda biwagt aradan çykmagy zerarly gynanç hatyny iberdi.

Döwlet Baştutanymyzyň hatynda bellenilişi ýaly, Seýed Ebrahim Raisi görnükli döwlet işgäri bolmak bilen, Eýran Yslam Respublikasynyň ynamly öňe gitmegi ugrunda üstünlikli işleri alyp bardy hem-de Türkmenistan bilen hoşniýetli, özara bähbitli gatnaşyklaryň ösdürilmegine saldamly goşant goşdy.

“Goý, Gudraty Güýçli Allatagala şu agyr pursatda merhumyň ýakynlaryna we Eýranyň ähli halkyna ruhy durnuklylyk, sabyrlylyk bersin!” diýip, hormatly Prezidentimiz hatynda nygtady.